फ्लिम्कै कहानी बन्यो विवाहमण्डप तर सत्य घटना ,,

फागुन,२० , जनकपुरधाम – बेहुलीलिन गएका बधु र जन्ती खाली हात फर्किन परेपछि यो खबरले सामाजिक संजालमा निकै चर्चा पाएको छ ।यो घटना धनुषा जिल्लाको शहीद नगरपालिका वडा नम्बर ३ यदुकुआमा देखिएको हो ।

यहाँकी एक युवतीसँग विवाह गर्न धनुषाकै सबैलाबाट जन्तीसहित बेहुला आएका थिए । आइतबार राति जन्ती आएर विवाहका प्रायः सबै विधि पूरा भएर सिन्दूर हाल्ने बेलामा युवती गायव भएपछि गाउँभरि खैलाबैला मच्चियो ।

यो यौटा अनौठो कथा जस्तो भयो तर सत्य घटना हो ।मधेसी दलित समुदाय अन्तर्गत राम थरका युवा–युवतीबीच आइतबार राति विवाह तय भएको थियो । सोहीअनुसार युवक पक्ष जन्तीसहित विवाह गर्न यदुकुआ पुगेका थिए ।

lekbesi

जन्ती आएपछि युवती पक्षले स्वागत सत्कार गरेपछि मैथिली परम्परा अनुसार विवाहपूर्व हुने स्वयंवर प्रक्रिया पनि सम्पन्न भइसकेको थियो ।खानपिन भोज भतेर समेत भयो थियो ।

स्वयंवरपछि युवतीको आँगनमा बनाइएको मण्डपमा अन्य वैवाहिक कार्यक्रम अगाडि बढाउनुपूर्व नै युवती आफ्नो घरबाट गायव भएको स्थानीयहरुलाई उद्धृत गर्दै इलाका प्रहरी कार्यालय यदुकुआका इञ्चार्ज एवं प्रहरी निरीक्षक भीम खड्काले जानकारी दिए ।

‘राति १ बजेतिर बेहुली वेपत्ता भएको मौखिक खबर आयो’ प्रहरी निरीक्षक खड्काले भने, “त्यसलगत्तै हामी बेहुलीको खोजीमा जुटेका छौं  ।दुबै पक्षले विवाहका लागि लाखौं खर्च गरे पनि विवाह हुन नसक्दा गाउँलेहरु निराश भएका छन् ।

यो घटना बुज्दा ति युवतीको इनर्वातिरका एक युवकसँग प्रेम भएको र उनी प्रेमीसँगै भागेको हुन सक्ने प्रहरीले बतायो । प्रहरीले युवतीको खोजि गरिरहेको छ।