ठुलो दुर्घटनाबाट बच्यो सीता एयरको जहाज ,,

भदौ १८ , काठमान्डौ – लुक्लाबाट काठमाडौंका लागि उडेको सीता एयरको जहाज दुर्घटनाबाट बचेको छ । बुधबार बिहान लुक्लाबाट उडेको ९ एन–एजेएच जहाजको एक इन्जिन आकासमै फेल भएको थियो ।

तर चालकले त्रिभुवन अन्तराष्ट्रिय विमानस्थलमा सुरक्षित अवतरण गराउन सफल भएको कम्पनीले जनाएको छ । बुधबार बिहान करीब पौने ९ बजे जहाजले आकस्मिक अवतरण गरेको विमानस्थलका महाप्रबन्धक राजकुमार क्षेत्रीले बताउनुभयो ।

सीता एयरका वरिष्ठ महाप्रबन्धक घनश्याम आचार्यले चालक दलका सदस्य र जहाज सुरक्षित रहेको ट्विटमार्फत जानकारी गराएका छन् । नेपाल नागरिक उड्डयन प्राधिकरणसँगको समन्वयमा सबै जहाजको इन्जिन परीक्षण हुने र त्यसपछि आगामी उडान निश्चित गरिने उनले जानकारी दिएका छन् ।

lekbesi

सीता एयरले पहाडी र हिमाली भेगका साना विमानस्थलमा उडान गर्दै आएको छ । त्यसमध्ये लुक्ला मूख्य विमानस्थल हो ।विमानमा यात्रुभने नभयको महाप्रबन्धक घनश्याम आचार्यले बताए।