Simta
Gurvakot
Gurvakot

हृदयेश त्रिपाठी नेतृत्वको स्वतन्त्र राजनीतिक समूह नेकपासित एकता नगर्ने बैठकको निर्णय ,,

भदौ २५ , काठमान्डौ – हृदयेश त्रिपाठीको संयोजकत्वमा स्वतन्त्र राजनीतिक समूहको बैठक मंगलबार काठमाडौंमा सम्पन्न भएको छ ।

मधेश र मधेशी जनताको हक अधिकारका लागि लामो संर्घष गरेका हृदयेश त्रिपाठी राजपा छोडेर त्रिपाठी बृजेश कुमार गुप्ता सहितका पाँच नेता चुनावको पूर्वसन्ध्यामा तत्कालीन एमाले संग गठबन्धन गर्दै सूर्य चुनाव चिन्ह लिएर उम्मेदवार बनि त्रिपाठी र गुप्ता प्रतिनिधिसभा सदस्य बने ।

त्रिपाठी नेतृत्वको स्वतन्त्र राजनीतिक समूह नेपाल कम्युनिस्ट पार्टीमा जाने चर्चा चलिरहेकै बेला स्वतन्त्र राजनीतिक समूह तत्काल नेकपा संग एकिकरण नगर्ने बैठकद्वारा निर्णय गरिएको छ ।

lekbesi

देशको कुल जनसंख्या मध्ये करिब ६५ प्रतिशत किसान रहेका छन ।तर कृषि माथि लगानी कर्मकाण्डी छ, त्यो पनि किसान माथि होइनन् ।

किसान बाहेक सबै उत्पादनकर्ताले आफ्नो उत्पादनको मूल्य स्वयं निर्धारण गर्ने गर्छन तर कृषकले परिश्रम तथा लागतले उत्पादन गरेको मुल्य सोबाट नभई अन्य बिचौलियाले निर्धारण गरेको स्वतन्त्र राजनीतिक समूहका संयोजक हृदयेश त्रिपाठीले भने ।

किसानको हित र सफलताको लागि विशेषज्ञहरुको सम्मिलित उच्चस्तरीय कृषि उपज मुल्य निर्धारण आयोग गठन गरि न्युनतम समर्थन मुल्यको निर्धारण तथा सरकारले स्वयं उक्त उपज खरिद गर्ने व्यवस्थाबाट मात्र संभव रहेको नेता त्रिपाठीको ठहर रहेको थियो ।

Simta

जुन मान्यताले नेकपा शीत सम्झौता भएको थियो तर चुनावको लाभ लिएपछि नेकपाले त्यो सम्झौता बिर्सेको आरोप लगाएका थिए । राष्ट्रिय सहमतिको अधारमा संविधान बनेको छ । ठुला ठुला खानपान पनि सहमति कै अधारमा भएको त्रिपाठीले बताएका थिए ।

काठमाडौंमा भएको स्वतन्त्र राजनीतिक समूहको भेलाले समूहलाई थप बिस्तार गरि क्रियाशील बनाउने निर्णय गरेको छ । २०७४ असोज १६ गते भएको सम्झौता पछि तत्कालीन एमाले र माओवादी बीच एकीकरण भई नेपाल कम्युनिस्ट पार्टी बनेकोले आफुहरुलाई प्राथमिकता नपरेको समूहको नेता इश्वर दयाल मिश्रको बुझाइ रहेको थियो ।

सबै जिल्लामा संयोजक सहित समिति बनाएर जिल्ला र काठमाडौंमा सम्पर्क कार्यालय बनाउने निर्णय गरियो । पूर्व एमाले संग सम्झौता गर्दा हाम्राे बिचारहरु लाई समेटने भनिएको थियो तर त्यो नेकपाले नगरेको कारण समूहलाई क्रियाशील बनाउने निर्णय गरिएको समूहकका नेता तथा सांसद बृजेश कुमार गुप्ताले बताएका थिए ।

कृषि उपज निर्धारण आयोग गठन हुनुपर्ने, नागरिकता सम्बन्धि, नेपाल भारत सिमामा गाडीको आवतजावत सम्बन्धि, नेपालगन्जमा विमानस्थललाई क्षेत्रीय अन्तर्राष्ट्रिय एयरपोर्टका रुपमा स्तरोन्नति गर्नुपर्ने संविधान संशोधन, निर्वाचित सांसद रेशम चौधरी प्रतिनिधिसभामा उपस्थिति लगाएतको १७ बुदे मागहरु बैठकले अघि सारेको छ ।

बैठकमा प्रधानमन्त्री केपि शर्मा ओलि ज्युको स्वास्थ्य लाभ प्रति बैठक सन्तोष व्यक्त र थप स्वास्थ्य लाभको कामना गरेको थियो । साथै इश्वर दयाल मिश्र ज्युको धर्मपत्नी श्रीमती शकुन्तला मिश्र, राजनीतिज्ञ तथा पूर्व मन्त्री गणेश तिवारी नेपाली, नवलपरासीका राजेश मिश्र, रामशिष सिंह र रौतहट निवासी राजेन्द्र यादवको असमायिक निधनप्रति हार्दिक श्रद्धाञ्जली अर्पण गरेको थियो ।

अंगद यादव ,,