मलेसिया आजदेखि खुल्यो नँया पनि जान पाउने तर घरेलु कामदार जान नपाउने ,,

भदौ २६ , काठमान्डौ – लामो समयपछि बैदेशिक रोजगार मलेसिया खुलेको छ ।,२०७५ जेठ १२ गते श्रम मन्त्रालयले मलेसिया श्रम स्विकृतिमा रोक लगाएपछि नेपालि कामदार मलेसिया जान बन्द भएको थियो ।

अब भने नेपाल र मलेसियाको मन्त्रालय स्तरीय बैठकबाट मलेसिया रोजगार खुला गर्ने सहमति भएको हो । बिहीबार भएको बैठकले तत्काल मलेसिया रोजगारीमा जाने बाटो खुला गर्ने निर्णय गरेको श्रम, रोजगार तथा सामाजिक सुरक्षा मन्त्रालयका सहसचिव रामप्रसाद घिमिरेले बताए ।

कामदार लैजाने प्रक्रियाको सबै खर्च रोजगारदाता कम्पनी र मेडिकल खर्च पहिलो महिनाको तलब दिने समयमा रिफण्ड गर्ने गरी सहमति भएको श्रम मन्त्रालयले जनाएको छ । यो सँगै नेपाली कामदार कुनैपनि लागत नतिरी मलेसिया जान पाउनेछन् ।

lekbesi

गत अक्टोबर २९, २०१८ मा श्रम समझदारी कार्यान्वयन गर्ने दुई देशबीच सहमति भएको थियो । उक्त सहमतिमा नेपालका तर्फबाट सहसचिव राम प्रसाद घिमिरेले नेतृत्व गरेका थिए । उनी अहिले सोही सहमतिकै लागि मलेसियामा छन् ।

मलेसियाली अधिकारीसँग भएको छलफलबाट विगतमा भएका सबै समझदारी कार्यान्वयन गर्ने गरी सहमति गरिएको घिमिरेले जानकारी गराए ।यो संगै स्वास्थ्य परीक्षणका लागि बायो मेडिकल भएका सबै संस्थाले पाउँनेछन् ।

अहिले बायो मेडिकल ३६ वटा सँस्थामा छन् । यी सँस्थाहरुमा मलेसियाले अनुगमन गर्नेछ । आगामी नोभेम्बरसम्म थप नयाँ संस्थालाई पनि स्वीकृति दिने दाहालले बताए । अब मलेसियन रोजगारदाताले आफूलाई आवश्यक परेको कामदारका लागि नेपाली दूतावासमा मागपत्र पेश गर्नेछन् ।

नेपाली दूतावासले प्रमाणीकरण गरेपछि वैदेशिक रोजगार विभागले आफ्नो वेभसाइटमा सो मागपत्र अपलोड गरी जानकारी गराउनेछ र कामदार लैजाने प्रक्रिया शुरु हुनेछ । मलेसियामा घरेलु कामदार भने जान पाउने छैनन् ।

,नेपाल सरकारले घरेलु कामदार पठाउँदा सम्बन्धित देशमा घरेलु कामदारसम्बन्धी छुट्टै कानुन हुनुपर्ने भनेकाले मलेसियामा सोको लागि कानुन बन्ने प्रक्रियामा रहेको भन्दै हाललाई नेपालबाट घरेलु कामदार जान नपाउँने व्यवस्था गरिएको दाहालले उल्लेख गरे ।

मलेसियामा सुरक्षा गार्डलाई अर्कै व्यवस्था गर्ने कि भन्ने थियो तर पुरानै व्यवस्था अनुसार सेक्युरिटी गार्डका लागि जान पाउने गरिएको छ । अहिले घरेलु कामदार भने जान पाउँने छैनन’, दाहालले भने । मलेसिया आजबाटनै खुल्ला भयको छ ।