बङ्गालको खाडीबाट जलवाष्पयुक्त हावा नेपाल भित्र ,

वैशाख १२ ,काठमान्डौ – देशभर केहि दिन यता हावा हुरी वर्षा चट्याङ्ग परिरहेको छ । धेरैको मनमा वर्षायाम सुरुपो भयको भन्ने पनि भन्ने गरेका छन् ।

तर मौसम पूर्वानुमान महाशाखाले बंगालको खाडीबाट जलवाष्पयुक्त हावा नेपाल भित्रिएको हुनाले नेपाल भर वर्षा भईरहेको जनाएको छ।

महाशाखाले शुक्रबार मौसमको पूर्वानुमान गर्दै देशमा पश्चिमी र स्थानीय वायुसँगै बंगालको खाडीबाट जलवाष्पयुक्त हावाको प्रभाव परेको जनाएको छ ।

lekbesi

त्यस्तै, आज दिउँसो देशका मध्य र पूर्वी भू–भागमा सामान्य देखि पूर्ण बदली रही बाँकी भू–भागमा आंशिक देखि सामान्य बदली रहने छ।

मध्य र पूर्वी भू–भागका धेरै स्थानहरुमा र पश्चिमी भू–भागका थोरै स्थानहरूमा मेघगर्जन, चट्याङ्ग, असिना र हावाहुरीसहित वर्षाको सम्भावना रहेको पूर्वानुमानमा उल्लेख छ ।

राति भने देशभर आंशिक देखि सामान्य बदली रहि मध्य र पूर्वी भू–भागका थोरै स्थानमा र पश्चिमि भू–भागका एक दुई स्थानमा मेघगर्जन, चट्याङ्ग सहित वर्षाको सम्भावना रहेको महाशाखाले जनाएको छ।