suekhet
bheriad

रुपन्देहीको तिलोत्त नगरपालिकामा एक वर्षभित्र प्लास्टिक झोलामुक्त नगर गराउने घोसना ,,,

lekabesi

१ वैशाख, बुटवल – रुपन्देहीको तिलोत्तमा नगरपालिकाले नयाँ वर्षको अवसर पारेर एक वर्षभित्र प्लास्टिक झोलामुक्त नगर बनाउने संकल्प गरेको छ ।नगरले ‘ग्रीन तिलोत्तमा, क्लिन तिलोत्तमा’ नाराका साथ नयाँ मिलचोकमा भएको कार्यक्रममा सहभागीहरुले एकसाथ ११ बुंदे प्रतिवद्धता वाचन गर्दै यस्तो अभियान सुरुगरेका हुन् । कार्यक्रममा रुपन्देही ३ का प्रतिनिधिसभा सदस्य घनश्याम भुसाल, रुपन्देही १ का प्रदेश सभा सांसद दधिराम न्यौपाने, रुपन्देहीकै अर्का सांसद बलदेव शर्मा पोखरेलका साथै स्थानीयको उल्लेख्य सहभागिता थियो ।

तिलोत्तमा नगरपालिकाले २०७६ असारसम्म प्लास्टिक झोला/ पलास्टिकका गिलास घटाउने र २०७६ साउनदेखि हटाउने बताएको छ । सांसद घनश्याम भुसाल र नगरप्रमुख बासुदेव घिमिरेले प्लास्टिक झोलामुक्त अभियानका संयोजक केशवराज न्यौपानेलाई एक बोरा कपडाको झोला हस्तान्तरण गरेका छन् ।  सबैले यो अभियानमा सघाउनु पर्ने पनि जानकारी दियका छन् ।पलास्टिक झोलाले गर्दा मानवीय जिबनमा मानव स्वास्थ्य मा प्रतिकुल असर पारेको र यसको धुँवाले मानिसलाई क्यान्सर समेत हुने गरेको जानकारी गराउदै यो अभियानमा जागरूप भयर लाग्न सचेत गरेका छन् ।यो अभियान असाध्यै राम्रो, पवित्र र सुन्दर कार्य हो’भुसालले भने, ‘नयाँ र सिर्जनात्मक काम गर्ने हो भने तिलोत्तमा मुलुककै नमूना नगरपालिका बन्न सक्छ ।’

तिलोत्तमा नगरवासीले अब बजारमा किनमेल गर्न जाँदा कपडा वा जुटको आफ्नै झोला लिएर जानु पर्ने पनि बतायका छन् ।

प्रदेशसभा सांसद बलदेव शर्मा पोखरेल र दधिराम न्यौपानेले पनि अभियान अनुकरणीय रहेको भन्दै प्रतिवद्धता व्यवहारमा कार्यान्वयन गर्न सुझाए ।नगरपालिकाकाले वातावरण स्वच्छ राख्ने उद्देश्यले जनसहभागितामा हरेक महिनामा दुई दिन वृहत सरसफाई अभियान, नगर सुन्दरीकरण र हरियाली प्रवर्द्धनका लागि नगरभित्र पर्ने ६ लेन सडकको दुबैतिर गार्डेनिङ अभियान र छाडा गाईगोरुमुक्त अभियान पनि चलाइरहेको नगरपालिकाका प्रमुख प्रशासकीय अधिकृत कृष्णप्रसाद सापकोटाले जानकारी दिए ।

नगर कार्यपालिकाले फोहरमैला व्यवस्थापन कार्यविधि पारित गरिसकेकाले नियम उल्लंघन गर्नेलाई एकहजारदेखि एक लाखसम्म जरिवाना गर्ने पनि बताए ।