दिवेश पोखरेल अमेरिकन आइडलको उत्कृष्ट ७ मा,

वैशाख २९ ,काठमान्डौ – विश्व प्रसिद्ध गायन प्रतिभाको खोज रियालिटी शो अमेरिकन आइडलको उपाधि यात्रामा नेपालका दिवेश पोखरेल उत्कृष्ट सातभित्र परेका छन् ।

उत्कृष्ट ११ प्रतिस्पर्धीबीचमा मतका आधारमा आइतबार सर्वाधिक मत ल्याउने उत्कृष्ट सातको छनोट गरिएको हो ।

अमेरिकाको कन्सास राज्यको विचिटा शहरमा बस्दै आएक २२ वर्षीय दिवेशले अमेरिकन आइडलमा आर्थर गनको नामले प्रतिस्पर्धा गरेका छन् ।

lekbesi

दिवेशले उत्कृष्ट सातमा पर्ने क्रममा एनिमेटेड चलचित्र द लिटल मर्मेडको एलान मेनकनको शब्द र होवार्ड एस म्यानको सङ्गीत तथा एस्ले टिस्डेलको गायन रहेको किस द गर्ल बोलको गीत गाएका थिए।

दिवेशको अमेरिकन आइडलमा सहभागिता सँगै नेपाली समुदायमा पनि आइडलप्रति चासो बढेको छ ।

अमेरिकाको एबीसी टेलिभिजनबाट अमेरिकन आइडल कार्यक्रम प्रसारण हुँदै आएको छ ।