माओबादिले गर्यो उमेद्वार छनोट को टुंगो
रंग दर्पण- काठमाडौँ — माओवादी केन्द्रले रामबहादुर थापा र दीनानाथ शर्मासहित राष्ट्रिय सभाका लागि १३ जना उम्मेद्वारको नाम तय गरेको छ । माओवादीका अध्यक्ष पुष्पकमल दाहाल सहितको शीर्ष नेताको बैठकले मंगलबार बिहान नाम टुंगो लागएको हो । प्रतिनिधि सभाकै चुनावमा थापा र शर्माको उम्मेदवार बन्ने चर्चा थियो ।
तर गठबन्धनका तर्फबाट सिट बाँडफाँटमा उनीहरुले रोजेको क्षेत्र नपाएपछि दुवै नेता त्यसबेला अन्यत्र लड्न जान मानेका थिएनन् ।
वाम गठबन्धनका तर्फ माओवादीका भागका परेका १४ मध्ये १३ वटाको मात्र नाम तय गरेको हो । प्रदेश २ मा एक जनाको नाम टुंगो लगाउन बाँकी छ । मधेसी दलहरुसँगको तालमेल हुने गरी वार्ता चलिरहेकाले एक सिटको भने पछि टुंगो लगाउने छ ।
माओवादीका तर्फबाट प्रदेश १ मा एक जना र प्रदेश ३ मा तीन जना उम्मेद्वार हुनेछन् । बाँकी ५ वटा प्रदेशमा दुई दुई जना उम्मेद्वार हुनेछन् । माओवादीका अनुसार प्रदेश १ मा वीना पोखरेल (महिला), प्रदेश २ मा शशिलकला दाहाल (महिला), प्रदेश ३ मा रामबहादुर थापा (खुल्ला) र गंगा पराजुली (महिला) प्रदेश ४ मा दीनानाथ शर्मा (खुल्ला) र खीमबहादुर विक (दलित), प्रदेश ५ मा राजमकुमार कुँवर (अल्पसंख्यक/ अपाङ) र चन्द्रबहादुर खड्का (खुल्ला), प्रदेश ६ मा जीवन बुढा (अल्पसंख्यक/अपाङ), युटुल लामा (महिला) र कालीबहादुर मल्ल (खुल्ला) र प्रदेश ७ बाट लालिराम लोहार (दलित र हरिराम चौधरी (खुल्ला) उम्मेदवार हुनेछन् ।
यी हुन् माओवादी केन्द्रका राष्ट्रिय सभाका उम्मेद्वारहरु
प्रदेश नं. १
(१) बीना पोखरेल (महिला)
प्रदेश नं. २
(२) शशिकला दाहाल (महिला)
(३) टुङ्गो लगाउन बाँकी
प्रदेश नं. ३
(४) रामबहादुर थापा ‘बादल’ (खुला)
(५) गंगा पराजुली (महिला)
प्रदेश नं. ४
(६) दीनानाथ शर्मा (खुल्ला)
(७) खीमकुमार बि.क. (दलित)
प्रदेश नं. ५
(८) राजकुमार कुंवर (अल्पसंख्यक/अपांग)
(९) चन्द्र बहादुर खड्का (खुला)
प्रदेश नं. ६
(१०) जीवन बुढा (अपाङ्ग/अल्पसंख्यक)
(११) युटुल लामा (महिला)
(१२) कालीबहादुर मल्ल (खुल्ला)
प्रदेश नं. ७
(१३) लालिराम लोहार (दलित)
(१४) हरिराम चौधरी (खुला)