असार ९ ,नवलपरासी – जिल्लाको पश्चिम इलाका प्रहरी कार्यालय बेलाटारीको टोलीले ६६ हजार बराबर रुपैयाँको कुखुराको चल्ला बरामद गरी नष्ट गरेको छ ।
मंगलबार बिहान सुस्ता गाउँपालिका २ कुडियामा भारतबाट अबैध रुपमा ल्याँउदै गरेको १ हजार ३२० कुखुराको चल्ला प्रहरीले नियन्त्रण लिएर नष्ट गरेको ईलाका प्रहरी कार्यालय बेलाटारीका प्रहरी निरीक्षक खुमानन्द पाण्डेले जानकार दिए ।
नियन्त्रणमा लिएको चल्ला पशु क्वाराईटाईन, स्थानीय बासिन्दा तथा पत्रकारहरुको रोहबरमा नष्ट गरिएको प्रहरीले बताएको छ ।
कोभिड १९ रोकथाम तथा नियन्त्रणका लागि सीमा क्षेत्रमा सय – सय मिटरमा सुरक्षाकर्मी खटिएपनि खुल्लारुपमा दिनहुँ तस्करी भईरहेको स्थानीय बताउँछन् ।
सशस्त्र प्रहरीको मिलोमतोमा तस्करी भइरहेको स्थानीयले बताएका छन । लकडाउनमा पनि सिमानामा मदिराजन्य वस्तु खाद्य वस्तु विभिन्न लागुऔषध तस्करी गर्नेलाई प्रहरीले पक्राउ गर्ने गरेको छ।
रबिन्द्र यादव / नवलपरासी पश्चिम,
