साउन १० ,नवलपरासी पश्चिम – शसस्त्र प्रहरीले ठुलो परिणाममा भारतबाट लुकाइछिपाइ अवैध रुपमा ल्याईएको खसी बोका बरामद गरेको छ ।
नवलपरासी पश्चिम सुस्ता गाउँपालिकाको वडा नम्बर ५ रतनगंज भारतबाट लुकाईछिपाई अवैध रुपमा खसी बोका ल्याउँदै गरेको सुचनाका आधारमा खोजतलासका लागि शसस्त्र प्रहरीको टोलि खटाइएको थियो ।
खोजतलास गर्ने क्रममा रतनगंज स्थित छाप्रोमा राख्दै गर्दा शसस्त्र प्रहरी वल नेपाल २६ नम्बर गण बेलासपुर र अस्थायी सुरक्षामा वेस बलिनगरबाट खटिएको टोलीले खसी फेला पारेको शसस्त्र प्रहरीका एसपी भरत खनियाले जानकारी दिए ।
८५ वटा खसी प्रति खसी २० हजारका दरले १७ लाख बराबर रहेको खनियाले बताए । बरामद गरिएका खसीलाई आवश्यक कारवाहिका लागि महेशपुर भन्सार कार्यालय पठाएको छ ।
रविन्द्र यादव नवलपरासी पश्चिम ,
