साउन ,२४ काठमान्डौ – भारतको केरलामा एयर इन्डियाको हवाई जहाज विमान दुर्घटना हुँदा १७ जनाको मृत्यु भएको छ।
दुबईबाट आएको हवाईजहाज शुक्रबार बेलुका ७ बजेर ४१ मिनेटमा केरलाको कोझिकोड विमानस्थलमा दुर्घटना भएको हो ।
दुर्घटनामा पाईलटको पनि मृत्यु भएको छ , जहाज अवतरणको क्रममा रनवेमा चिप्लिएर खाल्डोमा खसेको थियो ।
हवाईजहाजमा चालक दलका सदस्यसहित १९० जना सवार थिए भने १० जना बालबालिका रहेको खुलेको छ ।
भारि वर्षाका कारण जहाज दुईपटक अवतरणको प्रयास असफल भएको थियो । तेस्रो पटकको प्रयासमा दुर्घटना भयो र विमान दुई टुक्रा भयो ।
दुर्घटनामा घाइते भएका १२३ जना यात्रुहरुलाई अस्पताल भर्ना गरिएको छ । २० जना घाइते गम्भीर अवस्थाका छन् ।
विमान दुर्घटना हुँदा आगो भने लागेको छैन ,भारतको नागरिक उड्डयनमन्त्री हरदीप सिंह पुरीले दुर्घटनाको जाँच गर्न दुई वटा कमिटी गठन गरिएको जानकारी दिए ।
