साउन २८ ,काठमान्डौ – काठमान्डौ उपत्यकामा आज पनि १३८ जना कोरोना संक्रमित थपिएका छन्।
जसमध्ये काठमान्डौमा १०९ जना ,ललितपुरमा २१ र भक्तपुरमा ८ जना रहेको स्वास्थ्य मन्त्रालयले जनाएको छ।
दैनिक जस्तो काठमान्डौमा एक सय भन्दा बढि कोरोना संक्रमित फेला पर्ने गरेका छन्।
हाल सम्म कोरोनाका कुल संक्रमित २४ हजार ४३२ पुगेको छ ,विगत् २४ घन्टामा नेपालभर ४८४ जना संक्रमित थपिएका छन् ।
हाल सम्म कोरोनाबाट ९१ जनाको मृत्यु भईसकेको छ भने कुल १६ हजार ७२८ जना डिस्चार्ज भएका छन्।
