भदौ ४ ,काठमान्डौ – काठमान्डौको माछापोखरीबाट प्रहरीले दुई जनालाई पेस्तोल सहित पक्राउ गरेको छ।
पक्राउ पर्नेमा नुवाकोट शिखरबेसी,६ घर भएका २७ वर्षीय बिकेश पण्डित र नुवाकोट लिपु गाउँपालिका,१ घर भएका २८ वर्षीय अमर तामाङ रहेको महानगरीय अपराध महाशाखाले जनाएको छ।
काठमाडौं अपराध महाशाखाबाट प्रहरी उपरीक्षक होविन्द्र बोगटीको कमाण्डमा खटिएको विशेष टोलीले उनलाई बुधबार पक्राउ गरेको हो।
महाशाखाले जिल्ला प्रहरी कार्यालय नुवाकोटसँगको समन्वयमा अमर तामाङलाई नुवाकोटबाट पक्राउ गरेको हो ।अमर डाका मुद्धामा ६ वर्ष २ महिना जेल बसेर ०७६ फागुनमा रिहा भएका थिए ।
बरामद गरिएका दुई थान पेस्तोल ,दुई म्यागजिन १० ० राउन्ड गोलीको बारेमा अनुसन्धान गद्रा अमरले हात हतियार तथा खरखजना मुद्धा’मा सँगै कारागार बसेका धनुषाका शम्भु कार्कीको भएको प्रहरीलाई बताएका छन् ।
कार्कीले पेस्तोल हाल लागुऔषध मुद्धामा कारागारमा रहेका धादिङ खाल्टेका राजकुमार गुरुङलाई राख्न दिएका थिए उनले सो पेस्तोल बालाजुका एक होटल संचालकलाई राख्न दिएका थिए ।
बिकेश पण्डितले होटल संचालकबाट सो पेस्तोल लिएका थिए । प्रहरीले थप अनुसन्धान गरिरेहो पनि महानगरीय प्रहरी प्रवक्ता हाेविन्द बाेगटीले बताए ।
