suekhet
bheriad

आन्तरिक उडान ५ गते देखि सुरु हुने ,नियम भने यस्तो छ ,

lekabesi

असोज ३ ,काठमान्डौ – असोज ५ गतेदेखि नेपाली यात्रुहरूका लागि नयाँ नियम तय गरेर आन्तरिक हवाई यात्रा सुरू गरिएको छ। नयाँ नियम अनुसार हवाईयात्रुले बोर्डिंग पास लिनु अगाडि हेल्थ डिक्लेरेसन फर्म भर्नुपर्ने छ।

यसरी भरेको फर्म आफूले यात्रा गर्ने एयरालइन्सलाई बुझाउनुपर्ने छ। यात्रुले पालना गर्नुपर्ने नियमका सन्दर्भमा प्राधिकरणले सार्वजनिक सूचना जारी गर्नुपर्नेछ।

विमानस्थलमा अनावश्यक भिड ,बढ्न नदिन मौसम प्राविधिक वा अन्य कुनै कारणले हुने उडान डिले तथा डाइभर्टका विषयमा एयरलाइन्सहरूले यात्रुलाई एसएमएसको माध्यमबाट सूचना उपलब्ध गराउनुपर्नेछ।प्राधिकरणले अक्टुबर १ देखि भने उडान तालिका हेरफेर गर्नसक्ने छ।

संस्कृति पर्यटन तथा नागरिक उड्डयन मन्त्रालयले ५ गतेदेखिको आन्तरिक उडान तालिका स्वीकृत गर्न नेपाल नागरिक उड्डयन प्राधिकरणलाई निर्देशन दिएको छ।मन्त्रालयले लकडाउन अघिको एयरलाइन्सहरूको बजार हिस्साको आधारमा उडान तालिका स्वीकृत गरी उडान सुरू गर्ने व्यवस्था गर्न निर्देशन दिएको हो।

एयरलाइन्सहरूले लकडाउन अघि भइरहेको उडानको २५ प्रतिशतमात्र उडान हुनेगरी पाँच गतेदेखि एक महिनाको उडान तालिका स्वीकृत गर्नुपर्ने छ। यसो हुँदा एयरलाइन्सहरुले आफ्नो बजार हिस्साअनुसार उडान तालिका पाउने छन्।

भौतिक्दुरी कायम गरेर यो भन्दा अगाडी आधा सिटमा मात्र यात्रु राखेर उडा गर्नुपर्ने सरकारले निर्णय गरेपनि एयरलाइन्सहरुले यसरि व्यावसायिक उडान गर्न नसकिने बताएका थिए ।