असोज ५ ,जुम्ला – स्वास्थ्य अवस्था बिग्रदै गएपछि जुम्लामा अनसनरत डा. गोविन्द केसीलाई काठमाडौं पठाईएको छ । कर्णाली स्वास्थ्य विज्ञान प्रतिष्ठान शिक्षण अस्पतालको आइसियू कक्षमा अनशनरत सत्याग्रही डा.केसीलाई नेपालगञ्जसम्म एम्बुलेन्समा पठाईएको हो ।
आज उनलाई नेपालगञ्जकै भेरी अस्पतालमा राखीने भएको छ भने भोलि मंगलबार बिहाना ११ बजे सम्म काठमान्डौ ल्याईने छ। केसीसँग उनको नियमित स्वास्थ्य जाँच गर्दै आएका डा.प्रवीण गिरी पनि रहेका छन् ।
जुम्लामा १९ औ सत्याग्रह गरिरहेका केसीले काठमान्डौ आएरपनि सत्याग्रह जारी राख्ने बताएको छ । चिकित्सा शिक्षामा सुधार र कर्णाली स्वास्थ्य विज्ञान प्रतिष्ठानमा एमबीबीएस लगायतका कार्यक्रमहरु तत्काल संचालन गरिनुपर्ने माग राखी चन्दननाथ,६ रानीचौरस्थित केसीले सुरु गरेका थिए।
बाविरामष्टको मन्दिरमा अनसनरत डा.गोविन्द केसीलाई शनिबार राति प्रहरीले जर्बजस्ती अस्पताल पुर्याएको थियो । आफुलाई अपहरण शैलीमा अप्रहरिले उठाएको भन्दै केसीले उपचार गर्न मानेका थिएनन।
