मङ्सिर ११ ,काठमान्डौ – महोतरीको वर्दिवासमा आजपनि प्रदर्शन भईरहेको छ। वर्दिवासको पूर्वपश्चिम राजमार्ग आज पुनः अवरुद्ध गरिएको छ ।
६ वषीय बालिका बलात्कार पछि हत्या प्रकरण र प्रहरीको गोलि लागेर स्थानीय एक जनाको मृत्यु भएपछि स्थानीयले पूर्वपश्चिम राजमार्ग पुनः अवरुद्ध बनाएका हुन् ।
स्थानीय ६ वर्षीय बालिका गुलाब साह खातुनको बला,त्कार पछि ह,त्या प्रकरणपछि स्थानीयले हत्यारालाई कारबाहीको माग गर्दै प्रदर्शन गरेका थिए।
प्रदर्शन रोक्न प्रहरीलेले गोलि चलाएको थियो ,गोलि लागेर बर्दिवास नगरपालिका वडानम्बर १ बस्ने ४० वर्षीय संजय भनिने बुद्धिराज न्यौपानेको मृत्यु भएको छ भने अन्य दुई जना शक्ता घाईते छन् ।
स्थानीयले घटनाको निष्पक्ष छानबिन हुनुपर्ने ,गोली चलाउन आदेश दिने प्रहरी तथा प्रहरी अधिकारीमाथि कारबाही र बर्खास्तको माग गर्दै प्रदर्शन गरिरहेका छन् ।
बालिका हत्याको विरोधमा स्थानीयले बिहीबार बिहानैदेखि प्रदर्शन गरिरहेका छन्। प्रदर्शनपछि बजार पूर्ण रुपले बन्द छन् ,भने सवारी साधनसमेत अवरुद्द भएका छन्।
बस्तीबाटै हराएकी शहीद आलमकी ६ वर्षीय छोरी गुलाब साह खातुनको शव हत्या गरेर बोरामा राखेर झाडीमा फालेको अवस्थामा भेटिएको थियो ।
हत्या आरोपमा प्रहरीले गौशाला नगरपालिका ५ घर भई बर्दिवास नगरपालिका १४ बस्ने २५ वर्षीय अरुणकुमार साहलाई पक्राउ गरिसकेको छ । हत्याराले हत्या स्वीकार गरिसकेको छ।
