मंसिर १८ ,काठमान्डौ – गत २४ घन्टामा नेपालभरी थप १३ सय ४३ जना कोरोना संक्रमित थपिएका छन् ,यो संगै नेपालमा थप कोरोना संक्रमितको संख्या २ लाख ३७ हजार ५ सय ८९ पुगेको छ ।
तेस्तै पछिल्लो समय थप २१ सय ११ जना डिस्चार्ज भएका छन् ,यो पछि हाल सम्म कोरोनालाई जित्नेको संख्या २ लाख २० हजार २ सय ७२ जना पुगेको छ ।
पछिल्लो गत २४ घन्टामा थप १३ जनाको कोरोनाबाट मृत्यु भएपछि हाल सम्म मृतकको संख्या १५ सय ५१ पुगेको छ ।
अहिले नेपालभरी १५ हजार ७ सय ६६ जना सक्रिय कोरोना संक्रमित रहेको स्वस्थ्य तथा जनसंख्या मन्त्रालयले बताएको छ ।
तेस्तै आज काठमाडौंमा ४ सय ५५, भक्तपुरमा २६ र ललितपुरमा ८० जना गरेर ५ सय ६१ जना कोरोना संक्रमित थपिएका हुन् ।
