माघ २२ ,काठमान्डौ – आज नेपाल कम्युनिस्ट पार्टी (नेकपा ) प्रचण्ड – नेपाल समूहले देशभर आम हड्ताल गरेको छ।
प्रतिनिधि सभा विघटन गर्ने प्रधानमन्त्री केपी शर्मा ओलीको कदमविरूद्ध विभिन्न आन्दोलन गरिरहेको प्रचण्ड-नेपाल समूहले बुधबार संसदीय सुनुवाइबिनै संवैधानिक निकायका पदाधिकारीहरूको सपथ भएपछि हड्ताल आयोजना गरेको हो।
प्रहरीले आमहड्ताल आयोजना गर्ने नेपाल कम्युनिष्ट पार्टी प्रचण्ड-नेपाल समूहका ७० बढी नेता कार्यकर्तालाई नियन्त्रण लिएको छ।नेकपा स्थायी कमिटी सदस्य अष्टलक्ष्मी शाक्य, हितमान शाक्य, केन्द्रीय कमिटी सदस्य अमृता थापासहित नेता कार्यकर्तालाई प्रहरी कलंकीबाट पक्राउ गरेको केन्द्रीय सदस्य बिष्णु रिजालले जानकारी दिएका छन्।
तेस्तै गोर्खाका नेकपा कार्यकर्तालाई सोह्र खुट्टेबाट प्रहरीले पक्राउ गरेको छ ,आजको बन्दमा बिहानै गोंगबुचोकमा एक ट्याक्सीमाथि आगजनी भएको छ ,तेस्तै प्रदर्शनकारीहरुले जय बागेश्वरीमा एउटा गाडीको सिसा फुटाएका छन्।
पाटनमा अनेरास्ववियू र प्रहरीबीच टायर तानातान भएको छ ,आज बन्दले नेपालभरी यातायात ठप्प छन्।
