माघ २३ ,सुर्खेत – सुर्खेत गुर्भाकोट नगरपालिका वडान ३ मा आज परेको चट्याङ्गले एक गोठ ध्वस्त भएको छ।
साबिकको धारापानी ५ नादे भिम बहादुर बस्नेतको गोठमा आज करिब ६ : २० बजेतिर परेको चट्याङ्गले ४ वटा बाख्रा मरेको स्थानीय बासिन्दा किरण ओलीले रंग दर्पणलाई बताए।
गोठ पूर्ण रुपमा ध्वस्त भएको हुँदा कति क्षति विवरण भन्ने भने आउन बाँकी रहेको किरणले जानकारी दिए । चट्याङ्गबाट कुनैपनि मानवीय क्षति भने भएको छैन।
आज बिहानैदेखि देशभर मौसम बदलिरही वर्षा संगै चट्याङ्ग परेको छ। देशभरका अधिकांस स्थान ,हिमालीक्षेत्र ,उच्च पहाडीक्षेत्रमा भारि वर्षा हावा हुरी परेको छ।
