फागुन २ ,नवलपरासी – प्रतापपुर गाउँपालिका वडा नं ९ ले ७० जना जेष्ठ नागरिकलाई सम्मान गरेको छ । ८० वर्ष भन्दा माथीका ७० जना जेष्ठ नागरिकहरुलाई शनिबार एक कार्यक्रमका बिच सम्मान गरिएको हो।
वडा ९ भित्र रहेका ७० जना जेष्ठ नागरिकहरुलाई एक-एक सेट बलाङ्केट र च्यावनप्रस प्रदान गरि सम्मान गरिएको हो। सम्मान कार्यक्रममा जेष्ठ नागरिकलाई बलाङ्केट र च्यावनप्रस वितरण गर्दै प्रमूख अतिथि तथा जिल्ला समन्वय समिति सदस्य बजरंगी कुशवाहाले गाउँपालिका भित्र रहेका जेष्ठ नागरिकहरुको पहिचान गरी जेष्ठ नागरिक परिचय पत्र वितरण गर्नुपर्नेमा जोड दिनु भयो ।
जेष्ठ नागरिक सम्मान कार्यक्रम वडा अध्यक्ष हेमेन्द्र कुमार पंजियार ( मनोज ) को अध्यक्षता तथा जिल्ला समन्वय समिति सदस्य बगरंगी कुशवाहाको प्रमुख अतिथ्यतामा सम्पन्न भएको हो ।
उक्त कार्यक्रममा वडा सदस्य पुष्पावती देवी चौधरी, संगिता हरिजन, भिम नारायण चौधरी, वडा सचिव नरेन्द्र कुमार पाण्डे, पत्रकार लगायतको उपस्थिति थियोे भने कार्यक्रम संचालन हिम नारायण चौधरीले गरेका थिए । जेष्ठ नागरिकलाई सम्मान गरिएपछि सम्मानित हुने जेष्ठ नागरिकहरुले खुशी भएको बताए ।
रविन्द्र यादव ,
