फागुन ९ ,जनकपुरधाम – धनुषाबाट अपहरणमा अपरेका बालकलाई प्रहरीले सकुशल उद्दार गर्न सफल भएको छ। जिल्लाको नगइराइन नगरपालिका वडा नम्बर ६ जटहीका रमेश दासका ७ वर्षीय छोरा चन्दन शनिबार बिहान अपहरणमा परेका थिए ,उनको बच्चालाई अपहरण गरिएको र १ करोड फिरौती माग्दै साँझमा फोन आएको थियो ।
बच्चा अपहरणमा अपरेको र फिरौती माग गरेको जानकारी पाउनसाथ् उद्दारमा खटिएको प्रहरी टोलीले बालकलाई जनकपुरधामस्थित एक होटलबाट शनिबार रातिनै उद्धार गरेको प्रदेश प्रहरी प्रमुख डीआईजी धिरजप्रताप सिंहले बताए ।
बच्चालाई जनकपुरधामको माछा बजार नजिकै राखिएको अवस्थामा उद्धार गरिएको हो । अपहरणमा संलग्न भएका उनका दुई जना मामा पक्राउ परेका छन् ,लक्ष्मेश्वर दास र अर्का एक जनाको नाम खुल्न सकेको छैन् ।
अपहरित बालकका पिता रमेशपनि घटनामा संलग्न भएको हुनसक्ने भन्दै प्रहरीले उनलाई पनि पक्राउ गरेको छ। घटनाको थप अनुसन्धान भईरहेको र अपहरणकारी हरुलाई प्रहरीले आइतबार जिल्ला प्रहरी कार्यालय, धनुषामा पत्रकार सम्मेलन गरेर सार्वजनिक गर्ने तयारि गरेको छ ।
