चैत ३ ,सिन्धुली – सिन्धुलीमा आज दिउँसो जिप दुर्घटना हुँदा ४ जनाको मृत्यु भएको छ । ७ जना घाइते भएका छन् । सदरमुकामबाट कमलामाई नगरपालिका-७ बाँसकटेरी गइरहेको बा १७ च १११७ जिप घुम्ती मोड्ने क्रममा दुर्घटना भएको सिन्धुली प्रहरीले जनाएको छ ।
मृत्यु हुनेहरुमा कमलामाई-७का ६५ वर्षीय रुद्रबहादुर थापा,१८ वर्षीया रिता यसमाली,१९ वर्षीया दुर्गा श्रेष्ठ र उनको दुई वर्षको छोरा मनिष श्रेष्ठ रहेको सिन्धुलीका प्रमुख जिल्ला अधिकारी सुरेश न्यौपानेले बताए ।
दुर्घटनामा परि ३८ वर्षीय चालक भोज विक्रम थापा गम्भिर घाइते भएका छन् । उनलाई थप उपचारका लागि काठमाडौं पठाइएको डीएसपी मनोजकुमार लामाले बताए ।
अन्य घाइतेहरुमा २७ वर्षीय धनबहादुर श्रेष्ठ, २० वर्षीय शान्तिमाया थिङ, २२ वर्षीय कविता श्रेष्ठ, ५० वर्षीय सुनमाया थिङ, ३० वर्षीय सुकुमाया पुलामी र उनका छोरा दुई वर्षीय रेमन पुलामी र २८ वर्षीय विनिता श्रेष्ठ रहेको प्रहरीले जनाएको छ ।घाइतेहरु सबैको सिन्धुली अस्पतालमा उपचार भइरहेको प्रहरीले जनाएको छ ।
