चैत २८ ,कुश्मा – पर्वतको पैयुँ गाउँपालिका वडान ६ डाँडाकाहुँमा शुक्रबार दिउँसो आगलागी हुँदा ५ घर र १५ गोठ जलेर ध्वस्त भएका छन्। डाँडाकाहुँको भिरमा रहेको जङ्गलमा लागेको आगो बस्तीमा प्रवेश गरेको स्थानीयले बताएका हुन् ,आगलागीबाट मानवीयक्षति नभएपनि पशुचौपाया मरेका छन्।
इलाका प्रहरी कार्यालय हुवासका अनुसार स्थानीय शेरप्रसाद गौतम, रेशमलाल गौतम, नमप्रसाद सापकोटा, रेशमलाल सापकोटा, जयकला सापकोटाको घर पूर्ण रूपमा जलेर नष्ट भएका छन् ।
आगलागीबाट पूर्ण क्षति भएका पाँच परिवारलाई तत्काल स्थानीय पैंयु गाउँपालिकाले नगद १० हजार, खाद्यान्न र लत्ताकपडा वितरण गरेको प्रमुख प्रशासकीय अधिकृत केशव लामिछानेले जानकारी दिए।
तेस्तै स्थानीयका १५ वटा गोठ जलेर पूर्ण रुपमा क्षति पुगको छ ,सामान्य क्षति पुगेकालाई टेण्ट, र त्रिपाल वितरण गरिएको छ । आगो नियन्त्रणका लागि पर्वतको सदरमुकाम कुश्मा बजारबाट सशस्त्र प्रहरी र नेपाली सेनाको टोली घटनास्थलमा पुगेको छ घटनाको थप विवरण आउन बाँकी छ ।
