जेठ ७ ,काठमान्डौ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ काँग्रेस सभापति शेरबहादुर देउवानिवास बूढानीलकण्ठ पुगेका छन् ।
नेपाली काँग्रेसको पदाधिकारी बैठक लगत्तै प्रचण्ड बूढानीलकण्ठ पुगेका हुन् ।प्रचण्डसँगै नारायणकाजी श्रेष्ठ पनि देउवा निवास पुगेका छन् ।
राष्ट्रपति विद्यादेवी भण्डारीले आज साँझ ५ बजेसम्मका लागि समयसीमा तोक्दै नयाँ सरकार गठनका लागि आह्वान गरेपछि प्रचण्ड र देउवाबीच आगामी कदमका लागि छलफल हुनेछ ।
बिहान ९ बजेदेखि देउवा निवासमा कांग्रेस संसदिय दलको बैठक बसेको थियो ,बैठकले राष्ट्रपतिमाथि महाअभियोग र प्रधानमन्त्रीविरुद्ध अविश्वासको प्रस्ताव ल्याउनुपर्ने निष्कर्ष निकालेको छ । यो विषयमा देउवाले अन्य दलसंग पनि छलफल गर्दछन।
