जेठ ११ ,काठमान्डौ – बिरामी बोक्ने एम्बुलेन्समा गाँजा तस्करी गरेको पाइएको छ । धरान उपमहानगरपालिका,२ मा को १ च ५५५९ नम्बरको एम्बुलेन्समा १०० किलो गाँजा ल्याईरहेको अवस्थामा दुईजनालाई प्रहरीले दुईजनलाई प,क्राउ गरेको हो ।
पक्राउ पर्नेहरुमा एम्बुलेन्स चालक धरान उपमहानगरपालिका,१५ बस्ने ३६ वर्षीय बलबहादुर लिम्बू र धरान–११ बस्ने धनकुटा सहिदभूमि गाउँपालिका–१ घर भएका २८ वर्षीय पोशन राई रहेका छन् ।
धनकुटाको भेडेटारबाट धरानतर्फ आउँदै गरेको सो एम्बुलेन्सलाई प्रहरीले चेक जाँच गर्दा चारवटा झोलामा गाँजा प्याकिङ्ग गरेर पछाडिको भागमा राखेको अवस्थामा फेला पारेको प्रहरीले जनाएको छ। प,क्राउ परेका उनीहरुलाई र एम्बुलेन्सलाई नियन्त्रणमा लिएर अनुसन्धान भईरहेको प्रहरीले जनाएको हो ।
