जेठ १९, काठमान्डौ – पछिल्लो २४ घण्टामा थप ५ हजार ३१६ जनामा कोरोनाभाइरसको संक्रमण पुष्टि भएको छ ।
जम्मा १६ हजार ८७८ जनाको परीक्षण गरिएको थियो जसमध्ये पीसीआर विधिबाट ४५२४ जना र एन्टिजेन विधिबाट ७९२ जनामा संक्रमण पुष्टि भएको हो ।
यो सँगै नेपालमा कूल संक्रमितको संख्या ५ लाख ७१ हजार १११ पुगेको छ । त्यस्तै गत पछिल्लो २४ घण्टामा ७ हजार २१९ जना संक्रमणमुक्त भएका छन् ।
यो पछि हाल सम्म निको हुनेको संख्या ४ लाख ६१ हजार ५६३ पुगेको छ । यस्तै गत २४ घन्टामा १०१ जनाको मृ,त्युु भएको छ।
हाल नेपालमा कोरोनाबाट मृतकको संख्या ७ हजार ५५५ पुगेको छ भने देशभरमा सकृय कोरोनाको संख्या १ लाख १ हजार ९९३ रहेको स्वास्थ्य मन्त्रालयले जनाएको छ ।
