असार ११ ,काठमान्डौ – नेपाली राष्ट्रगान ‘सयौँ थुँगा फूलका हामी’का गायकमध्येका एक अजय थापाको कोरोना संक्रमणबाट निधन भएको छ ।
मेचीनगर नगरपालिका,३ बडाखाल निवासी थापालाई उनलाई गत आइतबार कोरोना सङ्क्रमण भएपछि उपचारका लागि विर्तामोडको बी एन्ड सी हस्पिटल भर्ना गरिएको थियो ।
भेन्टिलेटरमा राखेर उपचार भइरहेकै अवस्थामा आज बिहान ६ बजे उनको निधन भएको बी एन्ड सी हस्पिटल श्रोतले जनाएको छ। उनकी पत्नी राधा थापापनि कोरोना सङ्क्रमण भएर सोही हस्पिटलमा उपचाररत छिन।
विसं २०६/६३ को जनआन्दोलन सफल भएपछि ब्याकुल माइलाको रचना र अम्बर गुरुङको सङ्गीत रहेको राष्ट्रगान २०६४ साउन १४ गतेदेखि नेपालमा लागु भएको हो । यसलाई नेपालको संविधान २०७२ मा राखिएको छ । थापाका दुई छोरी र एक छोरा अमेरिकामा छन्।उनीहरु नेपाल आउने तयारि गरिरहेको पनि पारिवारिक निकटले जनाएको छ।
