असार १९ रुकुम पश्चिम- रुकुम पश्चिममा दुई समूहबीच झडप हुँदा दुई जना घाइते भएका छन् भने एक जना गम्भिर घाईते भएका छन्।
ट्याक्टरले घोडालाई ठक्कर दिएपछि उत्पन्न विवादले दुई समूहबीच विवाद बल्झिदा आठबिसकोट नगरपालिका ३, खदीमा दुईजना घाईते छन्।
धारिलो हतियार प्रयोग गरिएपछि एक जना गम्भिर घाईते रहेको रुकुम पश्चिमका प्रहरी प्रमुख डीएसपी ध्रुवकुमार श्रेष्ठले जानकारी दिए।
शुक्रबार साँझ ट्याक्टरले सामान बोकेर ल्याइएको घोडालाई छोएको विषयमा विवाद भनिएपनि विवाद पुरानो भएको पाईएको छ उनले भने।
गम्भीर घाइतेलाई उपचारका लागि राडीबजारतर्फ लगिएको छ, गम्भीर घाइतेलाई हेलिकप्टरमार्फत ल्याउन खोजिएको छ’ उनले भने । घटनास्थलमा प्रहरी पुगेर अनुसन्धान गरिरहेको पनि उनले बताए।
