असार २३ ,बाँके – प्रहरीले बाँकेमा अटोमेटिक फाएर पेस्तोलसहित एक युवकलाई पक्राउ गरेको छ।
पक्राउ पर्नेमा नेपालगञ्ज उपमहानगरपालिका–१२ घर भई वडा नम्वर २१ को पुरैनामा बस्ने ३१ वर्षीय अजिज अहमद शेष रहेका छन्।उनको साथबाट एक थान अटोमेटिक पेस्तोल बरामद गरिएको प्रहरी जानकारी दिएको हो।
एटलस साईकल चढेर पुरैनाबाट राँझतर्फ जाँदै गरेको अवस्थामा प्रहरीले चेकजाँच गर्ने क्रममा पेस्तोलसहित उनलाई नियन्त्रणमा लिएको हो। पक्राउ परेका युवामाथि थप अनुसन्धान भईरहेको जिल्ला प्रहरी कार्यालय बाँकेले जनाएको हो।
