असार २७ पोखरा – आफूले पठाउने विद्यालयका हेडसरले छात्रालाई यौन दुर्व्यवहार गरेको आरोपमा पोखरा महानगरपालिका २२ को ओखलेडाँडा भुम्दीकोट माविका प्रधानाध्यापक विश्वराज बास्तोला पक्राउ परेका छन्।
१५ वर्षीया छात्रामाथि दुराचारको आरोपमा उनलाई पक्राउ गरिएको कास्की प्रहरी प्रवक्ता सुवास हमालले पुष्टि गरेका छन्। उनले छात्रालाई शारीरिक रुपमा दुव्र्यवहार गर्नुका साथ अश्लिल मेसेजसमेत पठाउने गरेको खुलेको छ।
हेडमास्टर बास्तोलाको दुर्व्यवहार खुलेपछि गाउँलेले उनलाई कुटपिटसमेत गरेका थिए। बालिका केहि दिन यता टोलाउने, आलस्य देखिने लगायत समस्या देखिँदा ती छात्राको परिवारले जँचाउन अस्पताल गरेको थियो। घर फर्किएपछि बालिकाले आफूमाथिको दुर्व्यवहार घरपरिवारलाई बताइन्।
लगतै परिवारले बास्तोलाविरुद दुव्र्यवहारको मुद्दा दायर गरेको छ। उनलाई हिरासतमा राखेर प्रारम्भिक अनुसन्धान भईरहेको प्रहरीले जनाएको छ ।
