साउन ४ काठमान्डौ- गत २४ घन्टामा थप २,४४५ जनामा कोरोना संक्रमण फेला परेको छ भने ३२ जनाको निधन भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार ७,८३३ जनामा गरिएको पीसीआर परीक्षणमा १,६४२ जना र ३,८३१ जनामा गरिएको एन्टिजेन परीक्षणमा ८०३ गरि २४४५ संक्रमित फेला परेका हुन्।
यस्तै गत २४ घन्टामा थप १२५८ जना कोरोना मुक्त भएका छन्। हालसम्मको कूल संक्रमित मध्ये ६ लाख ६८ हजार ७५१ मा ६ लाख ३३ हजार ३३२ जना निको भईसकेका छन्। कोरोनाबाट हाल सम्म ९,५८२ जनाको निधन भएको छ।
