साउन ९ ,काठमान्डौ – पछिल्लो २४ घन्टामा नेपालमा थप ३११४ जनामा कोरोना भाइरस संक्रमण फेला परेको छ ।
स्वास्थ्य तथा जनसंख्या मन्त्रालयका अनुसार १०६२५ पीसीआर परीक्षणमा २३०९ र ४२८५ एन्टिजेन परीक्षणमा ८०५ जना गरी ३११४ जनामा संक्रमण फेला परेको हो ।
पछिल्लो २४ घण्टामा थप २ हजार १९७ जना संक्रमणमुक्त भएका छन् । योसंगै निको हुनेको संख्या ६ लाख ४१ हजार ५६५ रहेको छ । नेपालमा कोरोना संक्रमणबाट थप १६ जनाको मृत्यु भएसंगै मृत्यु हुनेको संख्या ९ हजार ६९५ पुगेको छ ।
यस्तै आइसोलेसनमा रहनेको संख्या २७ हजार ७५७ रहेको छ भने क्वारेन्टाइनमा ३४४ जना रहेका छन्।
