काठमान्डौ – प्रमुख प्रतिपक्ष दल नेकपा एमालेका प्रचार विभाग प्रमुख योगेश भट्टराईले नेकपा (एकीकृत समाजवादी) पार्टीको कुनै गतव्य नभएको र अवैध सम्बन्धबाट जन्मिएको पार्टीको संज्ञा दिएका छन।
बुधबार काठमाडौंमा आयोजित पत्रकार सम्मेलनमा बोल्दै भट्टराईले नेकपा (एकीकृत समाजवादी) पार्टीको जसको ठेगाना पनि प्रस्ट नभएको बताएका हुन्।
यसतै उनले चितवनमा हुने पार्टीको १० औँ राष्ट्रिय महाधिवेशनमा प्रमुख राजनीतिक दलहरूलाई मात्र बोलाउने पनि बताए। अवैध सम्बन्ध र गर्भधारणबाट जन्मिएको एकीकृत समाजवादी पार्टीलाई बोलाइरहनु नपर्ने समेत प्रचार विभाग प्रमुख योगेश भट्टराईले बताए।एमाले को दशौं राष्ट्रिय महाधिवेशन यही २०७८ मंसिर १०–१२ गतेसम्म चितवनमा आयोजना हुन गइरहेको छ।
दशौं महाधिवेशनमा विभिन्न मुलुकका पार्टीहरु, मैत्रीपूर्ण सम्बन्ध रहेका पार्टीहरु, दक्षिण एसियाका सत्तारुढ दल र विपक्षी दलहरु तथा आईक्याप (आईसीएपीपी)का स्थायी कमिटीका सदस्यहरुलाई निमन्त्रणा गरिएको भट्टराईले बताए । नेकपा (एकीकृत समाजवादी) भदौ ९ गते एमालेबाट औपचारिक रुपमा विभाजन भएको थियो ।
