कार्तिक १७ ,काठमान्डौ – मोडल अभिषेक खड्काले द बेस्ट मोडलको अवार्ड पाएका छन्। स्टार ईन्टरनेशनल प्राईभेट लिमिटेडले गरेको अवार्ड कार्यक्रमबाट उनले द बेस्ट मोडलको अवार्ड हात पारेका हुन्।
लोकप्रिय गायक खुमन अधिकारि र शान्ति श्री परियारले गाएको गित कलकत्ते काईयो बोलको गीतबाट उनले द बेस्ट मोडलको अवार्ड हात परेका हुन्। उक्त गीत गायक खुमन अधिकारिको अफिसियल युटुब च्यानल मार्फत सार्वजानिक भएको थियो।
यो गीतले दर्शकको निकै मन जित्न सफल भएको थियो । स्थायी घर अछाम रहेका अभिषेकले काठमान्डौलाई कर्मथलो बनाउने गरेका छन्। उनले झन्डै दुई दर्जन बढी गीतमा अभिनय गरिसकेका छन्। द बेस्ट मोडलको अवार्ड पाएसंगै आफूलाई थप हौसला थपिएको अभिषेकले रंग दर्पणलाई बताए।
