मंसिर ६, काठमान्डौ- नेपालमा थप ३८५ जनामा कोरोना संक्रमण देखिएको छ। मन्त्रालयका अनुसार ९ हजार ९२१ पीसीआर परीक्षण गर्दा ३६७ र २ हजार ७७६ एन्टिजेन परीक्षण गर्दा १८ जनामा कोरोना संक्रमण देखिएको थियो।
त्यस्तै पछिल्लो २४ घन्टामा २५८ जना संक्रमित कोरोनामुक्त भएका छन्। योसँगै नेपालमा कोरोनामुक्त भएको संख्या ८ लाख ६१७ पुगेको छ।
त्यस्तै पछिल्लो २४ घन्टामा थप ४ जना संक्रमितको मृत्यु भएको छ। यो पछि हाल सम्म कोरोनाबाट मृत्यु हुनेको संख्या ११ हजार ५०० पुगेको छ। नेपालमा सक्रिय संक्रमितको संख्या ७ हजार २६९ रहेको मन्त्रालयले जनाएको छ।
