फागुन ७ बाँके -बाँकेमा फेरी एक जनाको ज्यान गएको छ। राप्ती सोनारी गाउँपालिका-६ का ६० वर्षीय धनबहादुर चलाउनेको शनिबार बिहान बाघको आक्रमणबाट ज्यान गएको हो।
चलाउने सोही वडाको राप्तीपीडित सामुदायिक वनमा घाँस- दाउरा काट्न गएका थिए। उनलाई बिहान ८ बजे बाघले आक्रमण गरेको जिल्ला प्रहरी कार्यालय बाँकेका प्रवक्ता प्रहरी नायब उपरीक्षक मधुसुदन न्यौपानेले बताए। चलाउनेलाई बाघले घिसारेर लगेको थियो। उनको शव १० बजेतिर फेला परेको थियो।
