रुकुम पश्चिम – रुकुम पश्चिम् चौरजहारी नगरपालिका ४ को वडामा माओवादी केन्द्रबाट अध्यक्षका उम्मेद्वार गोपाल भण्डारी (शिशिर) लगायत ५ जनाको सिङ्गो टीमनै विजय भएकाे छ । केन्द्रका भण्डारीले ५ सय ७८ मत ल्याएर विजय भएक हुन् । त्यस्तै सदस्यमा मनसरा खड्का बुढा ,लक्ष्मी सुनार , गनेश पुन , बलवीर सार्की विजय भएका हुन्।
नेपाली काँग्रेस र नेकपा (एमाले) को गठबन्धनलाई पराजित गर्दै नेपाल कम्युनिस्ट पार्टी (माओवादी केन्द्र) ले अहिले सम्म रुकुम पश्चिमका १ , २ ,३ ,र ४ वडामा अजित हासिल गरिसकेको छ।
त्यस्तै अहिले सम्मको मत परिणाम हेर्दा रुकुम पश्चिमको मेयरमा नेकपा माओवादी केन्द्रनै रहेको छ। माओवादी केन्द्रबाट नगर प्रमुखका उम्मेद्वार पुष्प वादीले २ हजार १ सय २६ मत प्राप्त गरेका छन् भने उप प्रमुखकी उमेद्वार इश्वरी शर्मा विएमले २ हजार १ सय ६५ मत प्राप्त गरेकी हुन्।
त्यस्तै मेयरमा नेपाली काँग्रेसका उमेद्वार प्रेमबहादुर ओलीले १ हजार ८ सय ८० र उप प्रमुखका उम्मेद्वार टंकप्रसाद ओलीले १ हजार ६ सय २६ मत प्राप्त गरेका छन् । जसपाका मेयरका उमेद्वार प्रसाराम खत्रीले १ मत प्राप्त गरेका हुन्।
