असार,२३ काभ्रे – आज भोलि बढ्दो र भयानक दुर्घटना राजधानी लगायत अन्य जिल्लामा निरन्तर देखिन्छ। आज मात्रपनि काभ्रेको भैंसीपाटी पुलमा ट्रिपरले मोटरसाइकललाई ठक्कर दिँदा दुई जना घाइते भएका छन् । बा ३ ख ७०९१ नम्बरको ट्रिपरले बा ३३ प ९१६ नम्बरको मोटरसाइकललाई ठक्कर दिँदा मोटरसाइकल चालक भक्तपुर सूर्यविनायक ९ का पुष्पराज हुमागाइँ र उनकी श्रीमती लक्ष्मी हुमागाइँ घाइते भएका छन् ।
दुर्घटनापछि आक्रोसित समूहले ट्रिपरमा आगजनी गरेको छ। आगजनीमा मोटरसाइकल पनि जलेको छ ।दुबैको शिर मेमोरियल अस्पतालमा उपचार भइरहेको थियो तर पनि चिकित्सकले उनीहरुलाई काठमाडौं रिफर गरेको छ। केहि दिन अगाडी मात्र पनि टिप्परले जडिबुटीमा ठक्कर दिँदा एक महिलाको ज्यान गयलगतै आक्रोसित समुहले टिप्परमा आगजनी गरेको थियो। बढ्दो सवारी दुर्घटनाले मानवमा डर भय र तनाब उत्पन्न गरेको छ। जानी जानी दुर्घटना गर्नु र स्वचालित दुर्घटना हुनुमा फरक देखिन्छ। दुर्घटना न्यूनीकरन गर्न सरकारले विभिन्न कार्यक्रम गोष्ठी संचालन गरे पनि चालकको लापरबाही र मापसे जस्ता बानीले धेरैको अकालमै ज्यान जाने गरेको छ ।
