रुकुम पश्चिम् – रुकुम पश्चिम्को चौरजाहारी नगरपालिकामा बहुमुल्य काठ तस्करी अवैध रुपमा चोरी निकासी भईरहको सालको काठ बरामद गरिएको छ ।
जिल्लाको चौरजहारी नगरपालिका -१ बाट सल्यानतर्फ लैजाँदै गरेको अवस्थामा प्रहरीले सालको काठ बरामद गरेको हो।
अवैध रुपमा ओसारपसार कार्यमा प्रयोग गरिएको ट्याक्टर र चालकलाई समेत नियन्त्रणमा लिई अनुसन्धान भै रहेको जिल्ला प्रहरी कार्यालय रुकुम पश्चिमले जनाएको हो।
जिल्ला प्रहरी कार्यालयका सूचना अधिकारी प्रहरी निरीक्षक राजीव श्रेष्ठका अनुसार १५ थान सालको काठ भे १ त १४६१ नम्बरको ट्याक्टर र चालक रातो बिष्टलाई ईलाका प्रहरी कार्यालय चौजहारीबाट खटिएको प्रहरी टोलीले नियन्त्रणमा लिएको हो।
चौरजहारी नगरपालिका वडा नम्बर १ स्थित कालिका सामुदायिक वनबाट अवैध रुपमा बहुमुल्य सालको काठ ओसार पसार भइरहेको भन्ने गोप्य सुचना पाएपछि अपरेसनमा खटिएको टोलीले चौरजहारीबाट सल्यानतर्फ लैजादै गरेको ३८.५५ क्युफिट बहुमुल्य काठ बरामद गरिएको हो ।
प्रहरीले बरामद गरिएको बहुमुल्य सालको काठ, ट्याक्टर र चालकलाई थप अनुसन्धानका लागि सव डिभिजन वन कार्यालय चौरजहारीमा बुझाईएको जिल्ला प्रहरी कार्यलय ले जनाएको छ ।
