काठमाडौँ – सुनसरीको धरान उपमहानगर,१५ बाझगरास्थित मदन आश्रित मार्गमा बिहीबार एक घर जलेर पूर्ण रूपमा नष्ट भएको छ ।
आफन्त भेला भएर दर खाने तयारी भइरहेका बेला ग्यास सिलिन्डर अचानक पड्किँदा घरमा आगलागी भएको घरधनी सीता धितालले बताइन् । उनका अनुसार आगलागी बिहान करिब ९ः ४५ बजे भएको थियो ।
आगलागी भएपछि धरानका तीनवटा दमकल तत्काल आएर आगो निभाएका थिए । बाटो सानो भएपछि एकसाथ तीनवटै दमकल प्रयोग गर्न नसक्दा आगो निभाउन करिब डेढ घण्टा लागेको थियो ।
आगलागीबाट दराजमा राखेको गरगहना, नगद, र अन्य महत्त्वपूर्ण सामानसहित लाखौंको धनमाल नष्ट भएको छ ।
