धनगढी – बझाङमा भूकम्पसँगै आएको पहिरोमा परी एक जना महिला बेपत्ता भएकी छन् ।
जयपृथ्वी नगरपालिका वडा नम्बर-११ ओखलगाउँकी गुनदेवी धामी भूकम्पसँगै आएको पहिरोमा परी बेपत्ता भएको प्रहरीले जनाएको छ । उनी टिमुर टिप्न गाउँनजिकैको जंगलमा गएकी थिइन् ।
बझाङमा गएको भूकम्पबाट १३ जना घाइते भएका छन् ।जिल्लाका विभिन्न स्थानीय तहमा गरी १३ जना घाइते भएको विवरण आएको जिल्ला प्रहरी प्रमुख डीएसपी भरतबहादुर शाहले जानकारी दिए ।
राष्ट्रि भूकम्प मापन तथा अनुसन्धान केन्द्रका अनुसार ३ बजेर ४५ मिनेट र ४ बजेर २८ मिनेटमा ४।१ रेक्टर स्केलका तथा ४ बजेर ३१ मिनेटमा ४।३ रेक्टर स्केलको र बेलुकी ५ बजेर १९ मिनेटमा ५ रेक्टरको भूकम्प गएको छ ।
