काठमान्डौ – दशैको अग्रिम टिकट बुकिङ आज देखि खुलेको छ। यस बर्षको बडा दशै मनाउन घर जानेहरुको लागि सरकारले आज देखि अग्रिम टिकट खुल्ला गरेको हो।
केही दिन अगाडि भौतिक पुर्वाधार तथा यातायात मन्त्री प्रकाश ज्वालाले यातायात कार्यलायसंग छलफल गरि आज २२ गते देखि दशैको अग्रिम टिकट खुल्ला गर्ने सहमति भएको थियो ।
अग्रिम टिकट बुकिङ खुल्ला गरिएसँगै यात्रुको चाप हुने भएको हुँदा स्थानहरूमा यात्रु सहायता कक्ष स्थापना गरिने यातायात व्यवस्था विभागले जनाएको छ ।
यस्तै विभागका महानिर्देशक उद्धव रिजालले टिकट बिक्रीको अनुगमनलाई तीव्र पारिने बताए। कालोबजारीमा टिकट बिक्री नहोस् भनेर विभागले टिकट बुकिङ खुल्ने दिनबाट नै कडा अनुगमन गरिने उनले बताए ।
टिकटमा कालोबजारी हुन नदिन सरकारले सादा पोशाकमा सुरक्षाकर्मी खटाउने भएको छ। यो बर्षको दशैमा करिब ३० लाख बढीले राजधानी छोड्ने अनुमान गरिएको छ। असोज २२
