रुकुम पश्चिम् – रुकुम पश्चिमको बाँफिकोट गाउँपालिकामा स्थानीय युवाको आक्रमणमा परी दुई जना प्रहरी जवान घाइते भएका छन् ।
इलाका प्रहरी कार्यालय बाँफिकोटमा कार्यरत प्रहरी जवान महेन्द्रबहादुर शाही र हिमराज खड्का घाइते भएका हुन् ।
आइतबार साँझ बाँफिकोट,३ स्यार्पु ताल नजिकै स्थानीयबीच भएको विवादबारे बुझ्न पुगेका शाही र खड्कालाई स्थानीयले आक्रमण गर्दा टाउकोमा चोट लागेको जिल्ला प्रहरी कार्यालयका सुचना अधिकारी धर्मेन्द्र खड्काले बताए ।
स्थानीय युवाबीच झगडा भएको भन्ने सूचना आयो । त्यसपछि घटनास्थलमा पुगेर प्रहरीले सम्झाइ ,बुझाइ गर्न खोज्दा उल्टै प्रहरी माथि आक्रमण भयो उनले भने ।
घाइतेलाई उपचारका लागि आइतबार राति नै जिल्ला अस्पताल सल्ले ल्याइएको र थप उपचारका लागि नेपालगञ्ज लगिएको प्रहरीले बताएको छ ।
साथै घटनामा संलग्नहरुको खोजी र घटनाबारे थप अनुसन्धान भइरहेको अनि प्रहरीले बताएको छ ।
