काठमान्डौ – सिन्धुपाल्चोकमा बिहेको जन्ती बोकेको बस दुर्घटना भएको छ। दुर्घटना हुँदा तीन जनाको ज्यान गएको छ भने ५२ जना घाईते भएको जिल्ला प्रहरी कार्यालय सिन्धुपाल्चोकले जनाएको छ ।
दोलखाबाट सिन्धुपाल्चोकको त्रिपुरासुन्दरी गाउँपालिका पिस्करमा जाँदै गरेको बा ४ ख ५६१६ नम्बरको जन्ती बस बिहान साढे ७ बजे त्रिपुरासुन्दरी गाउँपालिका वडा नम्बर,५ धारावतीमा दुर्घटना भएको हो।
ज्यान गुमाउनेमा दोलखाको भिमेश्वर १ का १७ वर्षका शिव श्रेष्ठ र ७० वर्षका मानबहादुर थामी रहेका जिल्ला प्रहरी कार्यालय सिन्धुपाल्चोकका प्रवक्ता निरञ्जन भट्टराईले जानकारी दिए भने एक जनाको परिचय खुलेको छैन।
बेहुलासहित घाइते भएका धेरैको घटनास्थलमै प्राथमिक उपचार भैरहेको छ । केहीलाई सिन्धु सदावहार अस्पताल पठाएको प्रहरीले जनाएको छ ।
