बुटवल – बुटवलमा मध्यरातमा अचानक आएको बाढी पसेपछि स्थानीयले सास्ती भोगनु परेको छ।बाढिले बुटवलका विद्यालय, उद्योग र दर्जनौं निजी घर प्रभावित भएका छन् ।
बुटवल क्षेत्रको ढल र नाली सरसफाई नहुँदा मध्यरातमा आएको बाढी नाली र नहर हुँदै बस्ती, विद्यालय र उद्योगमा पसेको हो ।
बाढी पसेर कक्षाकोठा एवं विद्यालय कम्पाउण्ड नै डुबानमा परेपनि निजी क्षेत्रको सबैभन्दा ठूलो विद्यालय न्यू होराईजनले आइतबार विद्यार्थीलाई बिदा दिएको छ ।
शिक्षकलाई भने विद्यालयमै उपस्थित गराएर सरसफाई र व्यवस्थापन सुरु गरेको छ। बाढी बिध्यालय कक्षा कोठाभित्र पसेपछि बिध्यार्थी बस्ने ठाउँ छैन भने अहिले अमरपथमा बुटवल उपमहानरपालिकाका सरसफाई गरिरहेको छ।
त्यस्तै बाढीले बुटवलस्थित राष्ट्रिय समाचार समितिको प्रदेश कार्यालय डुबानमा परेको छ । राती २ बजेदेखि कार्यलय छेउको नाली भरिएर पानी कार्यालयमा प्रवेश गरेको पाइएको हो। बैशाख ३०
