सुर्खेत – गुर्भाकोट नगरपालिका वडा नम्बर ८ मेहेलकुना (खटाङ) नजिकै बस र अटो ठोकिँदा चार जना घाईते भएका छन ।
आईतवार आज बिहान करिव ९:३० बजेको समयामा बोटेचौर देखि मेहेलकुना आउदै गरेको कर्णाली प्रदेश ०२ ००१ ह ०४४७ नम्बरको अटो र मेहेलकुना देखि घुमखहरे विद्यार्थी लिन जाँदै गरेको बालदिप युनाईटेड बोर्डिङ स्कुलको कर्णाली प्रदेश ०२ ००१ स ००७२ नम्बरको बस एक आपसमा ठोकिँएका थिए ।
दुर्घटनामा परि गम्भिर घाईते भएका एक जना र अर्का घाईते भएका एकजना लाई सामान्य उपचारपछि थप उपचारको लागि अस्पताल रिफर गरिएको प्रहरी चौकी मेहेलाकुनाले जनाएको छ।
रिफर हुनेमा याम बहादुर लामिछाने र जालिमाया पुन रहेका छन्। अन्य दुई जनाको अवस्था सामान्य रहेको बताइएको छ। घटनाबारे थप अनुसन्धान भईरहेको प्रहरीले जनाएको छ।
