दाङ -दाङको कारागारमा रहेका कैदीबन्दीले गलैँचा, मुढा बनाएर आयआजर्न गर्दै आएका छन् ।
केही कैदीले परिवारलाई खर्चसमेत पठाउने गरेका घोराही कारागारका प्रमुख लक्ष्मणसिंह राठौरले जानकारी दिए।
उनका अनुसार एक जना बन्दीले एउटा गलैँचा बुनेबापत पाँचदेखि ८ सय र मुढा बनाएर महिनाको ४ देखि पाँच हजार रुपैयाँसम्म आम्दानी गर्ने गरेका छन् ।
उनीहरूले माछामार्ने जाल, ढकी, खेलौनालगायत सामग्री बनाउने गरेका छन् ।
घरेलु तथा साना उद्योग कार्यालयबाट गलैँचा बुन्न ४५ दिने तालिम लिएका बन्दीले तयार पारेका गलैँचा उनीहरुलाई भेट्न आउने आफन्त तथा अन्यले खरिद गर्ने गरेका छन् ।
कारागारमा एक सय जना क्षमताको कारागारमा ४ सय १५ जना बन्दी रहेको खुलेको छ।
