सल्यान – सल्यानको शारदा नदीमा माछा मार्ने क्रममा एक जनाको ज्यान गएको छ ।
ज्यान गुमाउनेमा सल्यानकाे छत्रेश्वरी गाउँपालिका–६ का ३० वर्षीय सन्तोष बिष्ट रहेका प्रहरीले जनाएको छ ।
गाउँकै साथीहरूसँग राति माछा मार्न गएका बिष्टको मृत्यु भएको हो।
उनको करेन्ट लागेर या ढुङ्गामा चिप्लिएर के कसरी ज्यान गएको हो भन्नेबारे अनुसन्धान भइरहेको जिल्ला प्रहरी कार्यालय सल्यानले जनाएको छ । उनिसहित पाँच जना माछा मार्न गएका थिए ।
