रंग दर्पण ६ फाल्गुन ,अमिताभले अंग्रेजी अखबारको एउटा कटिङ पोस्ट गरेका छन् । यसमा लेखिएको छ- अभिनेत्री दिपिका पादुकोण र कटि्रना कैफको कद अभिनेता शाहिद कपुर र आमिर खानको भन्दा अग्लो छ । त्यसकारण यी कलाकारलाई लिएर अभिनय गराउँदा निर्देशकले निकै तनाव झेल्नु पर्यो ।
पत्रिकाको रिपोर्टमा सूत्रको हवाला दिँदै लेखिएको छ ‘पद्मावतिको सुटिङको समय निर्देशक सञ्जयलीला भन्सालीलाई पनि यहि समस्या परेको थियो ‘कसरी दिपिका पादुकोणको छेउमा शाहिद कपुरलाई अग्लो देखाउने भनेर ?’
अगाडि भनिएको छ । यहि समस्या ‘ठग्स अफ हिन्दुस्तान’ मा पनि पर्यो । यस फिल्ममा आमिर खानको साथ कटि्रना कैफ र अमिताभ बच्चनले काम गरेका छन् ।
अमिताभ बच्चनले यहि सन्दर्भलाई लिएर ‘जब एप्लीकेशन’ पोस्ट गर्दै अन्तिममा लेखेका छन् ‘तपाईंलाई कहिल्यै उचाइको समस्या हुने छैन ।’
अमिताभ बच्चनको पोस्टलाई लिएर इन्स्टाग्राम र ट्वीटरमा प्रतिक्रियाको बाढी नै आएको छ । इन्स्टाग्राममा २ घण्टाको विचमा २ लाख ७३ हजारले लाइक गरे । साढे आठ हजारभन्दा बढीले कमेन्ट लेखे ।
ट्वीटरमा आधा घण्टाको विचमा सात हजारले लाईक गरे । एक हजार पाँचसयले रि-ट्वीट गरे ।
केही प्रयोगकर्ताले भने रमाइलो प्रतिक्रिया दिएका छन् । गायत्री पुँडे नामकी प्रयोगकर्ताले लेखेकी छिन्, ‘७६ वर्षको उमेरमा २६ वर्षको दिल । सदाबहार अभिनेता ।’
यसलाई पनि पढ्नुहोस ,,
माओवादी संसदीय दलको नेतामा प्रचण्ड चयन ,,
रंग दर्पण ६ फागुन, काठमाडौं । माओवादी केन्द्र संसदीय दलको नेतामा प्रचण्ड चयन भएका छन् । आइतबार बसेको संसदीय दलको बैठकले पार्टी अध्यक्ष प्रचण्डलाई दलको नेता चयन गरेको हो ।
सिंहदरवारमा बसेको बैठकमा प्रचण्डले समानुपातिक सांसद बनेकाहरुलाई प्रमाणपत्र पनि वितरण गरेका थिए ।
बैठकमा प्रचण्डले एमालेसँगको एकता प्रक्रियाबारे सामान्य जानकारीसमेत गराएका थिए । सांसद देवेन्द्र पौडेलका अनुसार प्रचण्डले एमालेसँग एकताको कोशिस भइरहेको बताए पनि विस्तृतमा खुलाएनन् ।
आइतबार पनि एमाले अध्यक्ष केपी शर्मा ओलीसँग एकताकै विषयमा आफूले छलफल गर्न लागेको प्रचण्डले जानकारी गराएका थिए ।
