काठमाडौ – काठमाडौंको दरबारमार्गस्थित क्लब प्लाटिनमका २ जना बाउन्सरमाथि धारिलो हतियार प्रहार भएको छ।
मंगलबार बिहान करिब ५ बजे काठमाडौंको सोह्रखुट्टे क्षेत्रमा बाउन्सर नितेश राई र छिरिङ लामामाथि धारिलो हतियार र बियरको बोटलले प्रहार गरेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए।
अज्ञात समूहले प्रहार गरी फरार भएको र उनीहरूको अहिले अस्पतालमा उपचार भइरहेको छ।
केही समयअघि पनि क्लब प्लाटिनममै बाउन्सरसँग झडप भएको थियो। त्यतिबेला पक्राउ परेका व्यक्तिहरू नै यसमा संलग्न छन् कि भन्ने प्रहरीको आशंका छ।
प्रहरीले केही व्यक्तिलाई नियन्त्रणमा लिएर अनुसंधान गरिरहेको जनाएको छ।
